"Mançester Yunayted" Premyer Liqanın doqquzuncu turunda "Çelsi"yə qarşı keçirilən və 0:2 hesablı məğlubiyyətlə nəticələnən oyundan sonra baş məşqçi Maykl Kerriki istefaya göndərməyi planlaşdırmır. Sport24.az xəbər verir ki, bu barədə "talkSPORT" məlumat yayıb.
45 yaşlı ingilis mütəxəssisin gələn həftə də klubda qalacağı və komandanı həm Çempionlar Liqasında "Roma"ya qarşı oyuna, həm də Premyer Liqada "Aston Villa" ilə keçiriləcək növbəti qarşılaşmaya hazırlayacağı gözlənilir.
Komandanın hazırda doqquz oyundur qələbə qazana bilməməsinə baxmayaraq, "Mançester Yunayted" rəhbərliyinin noyabr ayındakı milli komandalar üçün nəzərdə tutulan fasiləyə qədər məşqçi heyətində dəyişiklik etməsi ehtimalı azdır.
Qeyd edək ki, "Mançester Yunayted" 9 turdan sonra 7 xalla turnir cədvəlində 17-ci pillədə qərarlaşıb.
