"Mançester Yunayted" hücum xəttini yeni oyunçu ilə gücləndirməyi planlaşdırır. Sport24.az xəbər verir ki, Premyer Liqa nəhənginin əsas hədəfi "İnter"də çıxış edən Françesko Pio Espositodur.
Bu barədə "Football Italia" məlumat yayıb.
"Mançester Yunayted" italiyalı forvard üçün "İnter"ə rəsmi təklif göndərib. Milan təmsilçisi "qırmızı şeytanlar"ın təklifini rədd edib.
Qeyd edək ki, Françesko Pio Esposito son iki mövsümü icarə əsasında "Spetsiya"da keçirib. 20 yaşlı futbolçu klublararası dünya çempionatında "İnter"in heyətində meydana çıxdığı 2 matçda 1 qol və 1 məhsuldar ötürmə ilə yadda qalıb.
