"Portu"nun baş məşqçisi Françesko Farioli gələcək karyerası ilə bağlı yayılan şayiələrə nöqtə qoyub. Sport24.az xəbər verir ki, gənc mütəxəssis Portuqaliya klubundakı gələcəyi ilə bağlı qəti danışıb.
Son günlər adı İngiltərənin "Çelsi" klubu ilə hallanan 35 yaşlı italyan mütəxəssisə London təmsilçisindən gələ biləcək mümkün təkliflə bağlı sual ünvanlanıb. Farioli bu iddiaları təkzib edərək, hazırkı işinə kökləndiyini bildirib:
"Hazırda mən Portunun baş məşqçisiyəm və burada olmaqdan çox xoşbəxtəm".
Xatırladaq ki, cəmi 35 yaşı olan Farioli Avropanın ən perspektivli məşqçilərindən biri hesab olunur. Onun rəhbərliyi altında "Portu" uğurlu çıxışı ilə diqqət çəkərək hazırda Liqa Portuqaliyada turnir cədvəlinə başçılıq edir.
