"Everton"nun hücumameyilli yarımmüdafiəçisi İliman Ndiaye Premyer Liqada klubunu dəyişə bilər. Sport24.az "CaughtOffside" portalına istinadən xəbər verir ki, "Mançester Yunayted" seneqallı futbolçunu transfer etmək istəyir.
"Qırmızı şeytanlar" artıq Ndiayenin meneceri ilə əlaqə saxlayıb. Klubu 26 yaşlı oyunçu üçün 70 milyon avro tələb edir.
Seneqallı futbolçu ilə maraqlanan yeganə klub "Mançester Yunayted" deyil. Londonun "Arsenal" klubu da futbolçunu diqqət mərkəzində saxlayır.
Qeyd edək ki, İliman Ndiaye arxada qalan 2025/26 mövsümündə "Everton"un heyətində bütün turnirlər daxil olmaqla 39 oyuna çıxıb, 11 qol və 3 məhsuldar ötürmə ilə yadda qalıb.
