"Real"ın baş məşqçisi Alvaro Arbeloa açıqlama verib. Sport24.az xəbər verir ki, mütəxəssis La Liqada "Alaves"ə qalib gəldikləri oyundan (2:1) sonra çempionluq yarışından danışıb:
"Birinci hissədə oyuna tam nəzarət etdik. Üstünlüyümüzü daha artırmalı və qələbəni möhkəmləndirməliyik. "Bavariya"ya məğlubiyyətdən sonra komanda ilə danışdıq və söz verdik ki, qalan 7 oyunumuzu qazanmalıyıq. Bir oyun getdi, qaldı altısı. Çempionluq yarışı hələ bitməyib. Futbolda hər şey mümkündür".
"Real" La Liqada 73 xalla ikincidir. "Kral klubu" ehtiyatda bir oyunu olan "Barselona"dan 6 xal geri qalır.
