"Arsenal"ın müdafiəçisi Qabriel Maqalyaneş Braziliyanın Seneqala qarşı yoldaşlıq oyunu zamanı qasıq nahiyəsindən zədə aldığı ehtimalı ilə oyunu yarımçıq başa vurub. Sport24.az xəbər verir ki, 27 yaşlı futbolçu "Emirates" stadionunda keçirilən oyunun 64-cü dəqiqəsində axsayaraq meydandan kənarda qalıb və Braziliyanın tibbi heyəti ilə danışarkən sağ budunun iç tərəfinə işarə edib.
İlkin məlumatlara görə, Qabriel iki həftəlik sıradan çıxıb.
Qeyd edək ki, Estevao və Kazemironun vurduğu qollarla Braziliya 2:0 qalib gəlib.
