Azərbaycanın stolüstü tennisçiləri Çinə yollanıblar. Sport24.az xəbər verir ki, idmançılarımız bu ölkədə növbəti təlim-məşq toplanışında iştirak edəcəklər.
Seçmə komandamızın heyətində Şəbnəm Mansurova, Banu Baytallı, Onur Quluzadə və Tunar Bağırov baş məşqçi Mixail Timofeyevin rəhbərliyi ilə Şanxay, Mərziyyə Nurmətova, Arzu Aslanova, Aylin Əsgərova və Yağmur Məmmədli isə məşqçi Səbinə Əzizlinin rəhbərliyi ilə Hebey şəhərində yerləşən stolüstü tennis mərkəzində hazırlıq keçəcək.
Qeyd edək ki, təlim-məşq toplanışları noyabrın 27-də yekunlaşacaq.
