Azərbaycanın gənclərdən ibarət cüdo millisi Çexiyanın paytaxtı Praqada təşkil olunan Avropa çempionatında bürünc medal qazanıb.
Sport24.az xəbər verir ki, qarışıq komandamız üçüncü yer uğrunda həlledici görüşdə Almaniya kollektivi ilə üz-üzə gəlib.
Millinin heyətində öncə Elcan Hacıyev (90 kq) tatamiyə çıxıb və görüşünü qələbə ilə başa vurub. Ardınca Nərmin Əmirli (+70 kq) məğlub olsa da, sonrakı duellərdə, müvafiq olaraq, Ruslan Nəsirli (+90 kq), Səbinə Əliyeva (57 kq) və Vüsal Qələndərzadə (73 kq) rəqiblərinə qalib gəliblər. Beləliklə, sonuncu görüşə ehtiyac qalmayıb və Azərbaycan komandası 4:1 hesablı qələbə ilə Avropa çempionatının bürünc medalına sahib çıxıb.
Xatırladaq ki, Azərbaycan cüdoçuları fərdi yarışı 3 qızıl, 1 gümüş və 1 bürünc medalla başa vurublar.
