"Qarabağ" bu gün UEFA Avropa Liqasının Liqa mərhələsinin VI turunda "Elfsborq"la qarşılaşacaq. İsveçdə baş tutacaq görüşə saat 00:00-da start veriləcək.
Veteran futbolçu Saşa Yunusoğlu Sport24.az-a açıqlamasında oyunla bağlı gözləntilərini açıqlayıb:
Avropa Liqasının qrup mərhələsinin sonuna qədər 3 oyun qalıb. "Qarabağ" və "Elfsborq" komandalarının növbəti mərhələyə çıxmaq üçün şansları var. Digər rəqiblərə baxanda "Elfsborq" o qədər də Avropada adlı-sanlı bir klub deyil. Demək olar ki, təmsilçimizlə eyni gücdə rəqibdir. Bu oyunda qələbə həri iki klubu yuxarı pilləyə qaldıracaq. "Qarabağ" səfər matçlarında gözəl futbol oynayır. 3 xalla qayıdacaqlarına inanıram. Düşünürəm ki, bu gün çox maraqlı oyunu izləyəcəyik. "Qarabağ" futbol sevərləri qələbə ilə sevindirəcək.
