Bu gün futbol üzrə Azərbaycan millisi UEFA Millətlər Liqasında ilk oyununa çıxır. Sport24.az xəbər verir ki, Ayxan Abbasovun baş məşqçisi olduğu kollektiv D divizionunun 2-ci qrupunda səfərdə Litva ilə qarşılaşır.
Matçın start fiti Bakı vaxtı ilə saat 17:00-da səslənəcək.
Kaunasdakı "Darius və Girenas" stadionunda baş tutan görüşü Kiprdən olan hakimlər briqadası idarə edəcəklər.
Qeyd edək ki, bu matç millimizin Litva yığmasına qarşı tarixdə 4-cü qarşılaşması olacaq. İndiyədək keçirilən 3 görüşün hamısı yoldaşlıq xarakteri daşıyıb. Əvvəlki 3 oyunda yığmamız 1 qələbə qazanıb, 1 dəfə məğlub olub və 1 heç-heçə edib.
UEFA Millətlər Liqası
D divizionu, 2-ci qrup
I tur
17:00. Litva - Azərbaycan
Hakimlər: Menelaos Antoniou, Pavlos Georgiou, Eraklis Komodromos, Konstantinos Fellas yerinə yetirəcək (hamısı Kipr)
VAR: Marios Kristoforou (Kipr)
AVAR: Dimitris Solomou (Kipr)
Kaunas. "Darius və Girenas" stadionu
