"Məşqlərə kifayət qədər pozitiv və ciddi yanaşırıq. Komanda daxilində çox gözəl atmosfer var". Bu sözləri Sport24.az saytına açıqlamasında "Araz Naxçıvan"ın futbolçusu Slavik Alxasov deyib.
Müdafiəçi toplanış ərzində keçiriləcək yoxlama görüşlərindən danışıb: "İki yoxlama oyunumuz olacaq. Düzdür, belə görüşlərdə nəticə önəm daşımır. Əsas diqqət oyunçuların hazırlığına yönəlir. İndi çox tər tökməliyik ki, çempionatın ikinci yarısında bəhrəsini görək".
Alxasov cari mövsümün qalan hissəsi ilə bağlı düşüncələrini də bölüşüb: "Mövsümün ikinci yarısına uğurlu start vermək istəyirik. Hər oyun, hər xal bizim üçün vacib olacaq. Bizi maraqlı və çətin oyunlar gözləyir. Bura qədər gəldiyimiz yolu davam etməliyik. Bunun üçün çox istəkliyik".
Qeyd edək ki, "Araz-Naxçıvan" bu gün "Sumqayıt"la yoxlama görüşündə qüvvəsini sınayacaq.
