"Qəbələ"də həm köməkçi məşqçi, həm də baş məşqçi kimi çalışmışam. Elmar Baxşıyev komandanın baş məşqçisidir və daha yaxşı tanıyır. Bu ilki "Qəbələ" həm finala yüksəldi, həm də Premyer Liqada 4-cü pilləyə çox yaxındır. Daha yaxşı çıxış edir". Bu sözləri Sport24.az-a açıqlamasında Sənan Qurbanov deyib.
"Qəbələ"də köməkçi məşqçi və baş məşqçi kimi çalışan 43 yaşlı Qurbanov sabiq komandasının cari mövsümdəki çıxışını dəyərləndirib: "Həm insfrastruktur, həm də kluba yanaşma baxımından yüksək səviyyədədir. Səbrlə gözlədilər və Elmar müəllim də bu şansdan istifadə edərək yaxşı kollektiv yarada bildi".
"Keşlə"də də baş məşqçi kimi fəaliyyət göstərən Qurbanov sabiq komandası "Şamaxı" barəsində də fikirlərini bildirib: "Sırf yerli futbolçulardan qurulub. Cavid Hüseynov və Vüqar Əsgərli çox yaxşı işlər gördü. Elə də zəngin heyəti yoxdu. Futbolçuların əksəriyyəti heç Premyer Liqada iştirak etməmişdi. Məşqçilər çox yaxşı işlər gördülər. Elə futbolçular çıxdı ki, həm milliyə namizəd oldular, həm də digər klubların diqqətini çəkdilər. Belə futbolçular çox olsa, çempionata da faydası olar. Ancaq idman prinsiplərinə görə bir komanda getməlidir. Yerlilərdən qurulmuş və kasad heyəti olan "Şamaxı", ya da legionerlərlə bol olan "Səbail" tərk edəcək. Həm "Qəbələ"nin, həm də "Şamaxı"nın işini müsbət dəyərləndirirəm".
KAMAL RZA
