"Kəpəz"in braziliyalı futbolçusu Cefferson Gəncə klubunun düşərgəsinə qayıtmayacaq. Bu barədə Sport24.az-a "sarı-göylər"in Media və Marketinq departamentinin direktoru Gəray Qiyasov açıqlama verib.
O, müdafiəçinin komandaya qoşulmamasının səbəbini də açıqlayıb.
"Ailəsini səbəb kimi göstərib. Biz həftəsonunadək vaxt vermişik. Təzminat ödənilməlidir. FİFA-ya hələlik şikayət etməmişik. Məsələsini həll edib kompensasiya ödəməlidir. Bunu etməsə, ali futbol qurumuna şikayət ünvanlayacağıq".
