Dünən 2026/27 mövsümü Polşa çempionatına start verilib. Sport24.az xəbər verir ki, Azərbaycan millisinin hücumçusu Mahir Emrelinin yeni komandası "Rakuv" 1-ci turda ilk matçını bu gün keçirib.
Onlar "Visla"nı (Plotsk) qəbul edib və 1:2 hesabı ilə uduzub.
M.Emreli əsas heyətdə yer alıb və 56-cı dəqiqədə Adin Molnarla əvəzlənib. O, görüşdə qolla fərqlənə bilməyib.
Xatırladaq ki, Emreli bu həftə "Rakuv"dakı debüt oyununda bir qol vurub. O, UEFA Konfrans Liqasının 2-ci təsnifat mərhələsinin ilk oyunu çərçivəsində "Valletta" (Malta) ilə keçirilən görüşdə (3:1) rəqib qapısına yol tapıb.
