Bakıda keçirilən minifutbol üzrə dünya çempionatı davam edir. Sport24.az xəbər verir ki, mundialın 5-ci günündə III turun oyunları keçirilir.
Milli Gimnastika Arenasında ümumilikdə 8 oyun baş tutacaq. Tur Özbəkistan - Çad görüşü ilə başlayıb və Asiya təmsilçisinin 3:0 hesablı qələbəsi ilə yekunlaşıb.
Daha sonra Bəhreyn - Sloveniya matçı keçirilib. Qarşılaşma ərəblərin böyükhesablı qələbəsil ilə başa çatıb - 4:1.
Hindistan - Portuqaliya oyunu da bol qollu olub. Avropa təçsilçisi hindistanlıları 8:0 hesabı ilə məğlub ediblər.
Macarıstan isə Ukraynaya 3 cavabsız qol vurub - 3:0.
Türkiyə millisi də 0:3 hesabı ilə İngiltərə komandasına məğlub olub.
Azərbaycan millisi qrup mərhələsində 3-cü oyununu keçirib. Komandamız Afrika təmsilçisi Mavritaniya komandasına 2:0 hesabı ilə qalib gələrək növbəti mərhələyə yüksəlib.
