MBA tarixinin ən məhsuldar oyunçusu ünvanını ələ keçirən Lebron Ceyms “Liverpul”la birgə geyim dəstini istifadəyə verib. Bu barədə “Liverpul” mətbuat xidməti məlumat yayıb. Məhsullara futbolkalar, şort və digər geyim dəstləri daxildir. Qırmızı və qara rənglərdə olacaq geyim məhsullarında “Liverpul”un loqotipi və Lebron Ceymsin tacı əks olunub. Geyim dəstlərini “Liverpul”un rəsmi internet mağazalarından sifariş etmək olar. Xatırladaq ki, Lebron 2011-ci ildən “Liverpul”un sərmayədarlarından biridir.
