“Zirə” klubunda yeni məşqçi təyinatları olub.
Matc.az xəbər verir ki, təcrübəli mütəxəssis Vaqif Paşayev, eləcə də Hacı Əhmədov bundan sonra paytaxt klubunun əsas komandasında çalışacaq.
Bu barədə klubun mətbuat xidməti məlumat yayıb. Xəbərdə hər iki mütəxəssisin baş məşqçi Rəşad Sadıqovun köməkçisi təyin edildiyi diqqətə çatdırılıb.
Xatırladaq ki, bunadək uzun müddət "Sumqayıt" Futbol Akademiyasında çalışmış Paşayev Sadıqovun ilk məşqçisi olub. Karyerasını tez bitirən Əhmədov isə "Zirə"nin baş məşqçisiylə "Qarabağ"da çiyin-çiyinə oynayıb.
