Latviya 2030-cu ildə Qış Olimpiya Oyunlarını İsveçlə birgə keçirmək istəyir. Sport24.az xəbər verir ki, artıq adıçəkilən ölkədə bu işlə bağlı işçi qrupu yaradılıb.
Onlar Latviyanın Olimpiadaya ev sahibliyi etməyə nə dərəcədə hazır olduğunu öyrənəcəklər. Bu günlərdə Latviyanın Elm və Təhsil Nazirliyinin təşəbbüsü ilə hökümət rəsmiləri arasında görüş keçirilib. Onlar Latviyanın idman qurğularının son durumunu müzakirə edib.
Xatırladaq ki, artıq İsveç Qış Olimpiadasına ev sahibliyi etmək üçün BOK-a müraciət ünvanlayıb. İsveçlə yanaşı ABŞ-ın Solt-Leyk Siti, Yaponiyanın Sapparo və Kanadanın Vankuver şəhəri də Olimpiadanın təşkilatçılığını üzərinə götürmək istəyir.
