Bu gün güləş üzrə Azərbaycan çempionatına start veriləcək. Sport24.az xəbər verir ki, ilk iki gündə yunan-Roma, son iki gündə sərbəst güləş üzrə ölkə çempionları müəyyənləşəcək.
Bakı İdman Sarayında təşkil olunan çempionatın ilk günündə 55 kq, 63 kq, 72 kq, 82 kq və 97 kq çəkidə mükafatçılar müəyyənləşəcək. İlkin mərhələlərin görüşləri saat 10:00-da, medallar uğrunda qarşılaşmalar isə saat 17:00-da start götürəcək.
Qeyd edək ki, dekabrın 27-dək davam edəcək ölkə çempionatında medal qazanan pəhləvanlar milli komandaların tərkibinə cəlb olunacaq.
