Həftəsonu Səudiyyə Ərəbistanında Formula 1 üzrə dünya çempionatında mövsümün ikinci Qran-prisi start götürəcək. Sport24.az xəbər ki, martın 17-də səbrəst yürüşlər, 18-də təsnifat, 19-u isə final mərhələsi təşkil olunacaq.
Artıq indidən bu ölkədə təhlüksəzlik tədbirləri gücləndirilib. Məsələ ondadır ki, ötən il Səudiyyə Ərəbistanında keçirilən Qran-pri günlərində yarışın keçirildiyi Ciddə şəhərinə raket atılmışdı. Hətta təhlükəsizlik məqsədilə yarışln ləğv olunacağı da gözlənilirdi. Amma Formula 1 rəhbərliyi Qran-prini keçirmək qərarına gəldi.
Səudiyyə Ərəbistanı ilə Yəmən husiləri arasında hazırda gərginlik yatırılsa da, yerli hökümət sakitliyə baxmayaraq narahatlığını gizlətmir. Artıq ölkədə bütün hava hücumuna qarşı müdafiə sistemi hazır vəziyyətə gətirilib. Bununla yanaşı, Ciddi şəhərində hüquq mühafizə işçilərinin sayı artırılıb və şəhərə əlavə kameralar quraşdırılıb.
