“İndyCar” avtoidman yarışında “Çip Qanassi Reysinq” komandasının rəhbəri Çip Qanassi Formula 1-i tənqid edib. Sport24.az xəbər verir ki, “Kral Avtoyarışları”nda yarışdan başqa hər şeyin olduğunu söyləyib: “Hazırda şanlı günlərimizi yaşayırıq. Daha yaxşı işləyə bilərikmi? Əlbəttə. Ofisinizə gəlib sizə necə yaxşı işləməyin yolunu göstərə bilərəm. Siz də mənim ofisimə gəlib məsləhətlərinizi verə bilərsiniz. Biz hamımız işimizi mükəmməlləşdirə bilərik. Əsas doğru addımı atmaq bacarığıdır. Bizim yarışımız mükəmməldir. “İndyCar” əsl yarışdır. Bu nə NASCAR-dır, nə də Formula 1. Sözümün canı ondadır ki, gəlin, həqiqətin gözününün içinə baxaq. Formula 1-də yarışdan başqa hər şey var. Doğru demirəm? Sanki onlar üçün trassdakı mübarizə ikinci dərəcəlidi".
