Yay "transfer pəncərəsi" zamanı Andrey Luninin "Real"ı tərk edə biləcəyi ilə bağlı xəbərlər yayılmışdı. Sport24.az "Todofichajes"-ə istinadən xəbər verir ki, 25 yaşlı qolkiper "Kral klubu" ilə müqaviləsini tam şəkildə bitirmək qərarına gəlib. O, bundan sonra gələcəyi ilə bağlı qərar verəcək. Tərəflər arasında hazırkı müqavilə 2025-ci ilin yayında başa çatacaq.
Qeyd edək ki, Luninin transfer dəyəri 25 milyon avro qiymətləndirilir. O, ötən mövsüm "Real"la İspaniya çempionu və UEFA Çempionlar Liqasının qalibi olub. Lunin 2018-ci ilin iyulundan Madrid klubunda çıxış edir.
