"Atletiko"nun futbolçusu Antuan Qrizmannın karyerası ilə bağlı qərarı bəlli olub. Sport24.az xəbər verir ki, 34 yaşlı hücumçu Madrid klubu ilə müqaviləni yeniləyəcək. Onun 2027-ci ilin iyununa qədər olan yeni sözləşməyə qol çəkəcəyi bildirilib.
Fransalı futbolçu baş məşqçi Dieqo Simeonenin də güvəndiyi və komandada qalmasını istədiyi futbolçulardandır. Onun adı MLS təmsilçisi "Los Anceles"lə hallanırdı.
Qeyd edək ki, Qrizmann bu mövsüm La Liqada 31 oyun keçirib, 8 qol vurub və 5 məhsuldar ötürmə edib. Onun hazırkı sözləşməsi 2026-cı ilin iyununa qədərdir.
