UEFA Millətlər Liqasında pley-off mərhələsinin cavab oyunları keçirilib. Sport24.az xəbər verir ki, C və D liqalarının son iştirakçıları müəyyənləşib.
Latviya öz meydanında Cəbəllüttariqi 1:0, Lüksemburq isə Maltanı 3:0 hesabı ilə məğlub edib.
Beləliklə, Latviya və Lüksemburq C liqasında, Cəbəllüttariq və Malta isə D liqasında mübarizə aparacaq.
Xatırladaq ki, martın 26-da keçirilən ilk oyunlarda Cəbəllüttariq – Latviya görüşü 0:1, Malta – Lüksemburq qarşılaşması isə 0:2 hesabı ilə başa çatmışdı.
