"Bavariya"nın sabiq hücumçusu Mario Qomes "Barselona"nın 17 yaşlı cinah oyunçusu Lamin Yamalın 2025-ci ildə "qızıl top"u qazanmaq şanslarından danışıb. Sport24.az "Bild"ə istinadən xəbər verir ki, o, ispaniyalı futbolçunun özü ilə müqayisə edib:
"Gələcəyi təxmin edə və qalibin adını deyə bilmərəm. Düşünürəm ki, Yamal karyerasında bir neçə dəfə "qızıl top"u qazanacaq. Çoxu mənim karyeramı çox yaxşı xatırlayır. O səviyyədə oynamaq çılğınlıqdır, zədə almasa, Yamal dünya futboluna hakim olacaq".
Qeyd edək ki, Yamalın Kataloniya klubu ilə müqaviləsi 2031-ci ilin yayına kimi nəzərdə tutulub.
