"Kayrat"ın baş məşqçisi Rafael Urazbaxtin Çempionlar Liqasının Liqa mərhələinin 3-cü turunda "Pafos"la heç-heçəni (0:0) dəyərləndirib. Sport24.az xəbər verir ki, görüşdə "Pafos" azlıqda qalıb.
Qazaxıstan təmsilçisi isə bu fürsətdən yararlana bilmədikləri üçün məyus olduqlarını söyləyib:
"Say baxımından üstünlüyümüzdən daha yaxşı istifadə etməli idik. Çox məyus olduq. Rəqibə də qiymət verməliyik. Onlar on nəfərlə çox yaxşı müdafiə olundular və hətta bir neçə təhlükəli anlar da yaratdılar. Bəzi vəziyyətlərdə bəxtimiz gətirdi, digərlərində isə Anarbekov komandanı xilas etdi.
Futbolda əsas cəsarətli, qətiyyətli, xarakterli oynamaqdır. Bunlar olarsa, Xal da gələcək. Belə matçlarda təcrübə toplamaq lazımdır.
Futbolçularımız məyusdurlar. Bu gün qələbə qazanmaq üçün real şansımız var idi. İrəliləməyə davam etməliyik".
