"İnter"in futbolçusu Yoan Bonni milli komanda seçimini edib. Sport24.az xəbər verir ki, forvard Fil Dişi Sahili yığma komandasında oynamağı qərara alıb.
Belə ki, o, Fransanın aşağı yaş qruplarından ibarət yığma komandalarında oynasa da, sonrakı seçimi fərqli olub.
Bonni mövsüm "İnter"də 45 matçda 7 qol vurub, 8 asist edib.
22 yaşlı hücumçunun "İnter"lə müqavilə müddəti 2030-cu il iyunun 30-na qədərdir. Fransada dünyaya gələn Bonni "Tur", "Şatoru", "Parma" klublarında oynayıb.
