Fransa millisinin sabiq futbolçusu Patris Evra Madrid "Real"ının futbolçusu Kilian Mbappe ilə bağlı fikirlərini bölüşüb. Sport24.az xəbər veri ki, o, Mbappenin dünyanın ən yaxşı oyunçuları arasında olmadığını deyib.
Evra həmyerlisi barədə kinayəli düşüncələrini belə ifadə edib:
"Deyirlər ki, o, dünyanın ən yaxşılarından biridir, amma məncə, o, Klaud Papinin topuğuna belə çatmaz. Heç vaxt Mbappeni Tyeri Anri ilə müqayisə etməyin. Bu məhsulu siz yaratdınız. Məncə, o, çox danışır, amma siz dünyanın ən yaxşı oyunçusundan danışanda, uşaqlar… Anrinin oyununu görmüsünüzmü? Siz ona aid olmayan insanları bir postamentə qoyursunuz".
