Çempionlar Liqasının ümumi mərhələsinin altı turundan sonra beş komanda pley-off mərhələsinə vəsiqəni təmin edib. Sport24.az xəbər verir ki, "Arsenal", "Bavariya", PSJ, "Mançester Siti" və "Atalanta"nın 24-ci yerdən aşağı düşməyəcəyi dəqiqləşib.
Ümumi mərhələdən ilk səkkiz komanda birbaşa 1/8 finala vəsiqə qazanacaq, doqquzuncudan 24-cü yerə qədər olan komandalar isə pley-off mərhələsində oynayacaq və qaliblər də 1/8 finala vəsiqə qazanacaqlar.
Qeyd edək ki, bu ilki Çempionlar Liqasının finalı Budapeştdəki Puskas Arenada keçiriləcək. Yarışın həlledici oyunu 2026-cı ilin mayın 30-da baş tutacaq.
