Bu gün Almaniya kubokunun 1/8 final mərhələsi çərçivəsində "Bavariya" - "Bayer" qarşılaşması keçiriləcək. Sport24.az xəbər verir ki, Münxen təmsilçisinin əsas hücumçusu, 14 qolla Bundesliqanın bombardiri olan Harri Keynin bu matçda iştirak etməyəcəyi gözlənilir.
"Bavariya" artıq iki ildir "Bayer"ə qalib gələ bilmir. Rəqiblərin son dörd oyunundan ikisində Leverkuzen təmsilçisi qələbə qazanıb, daha iki qarşılaşma isə heç-heçə başa çatıb.
Qeyd edək ki, "Bavariya" - "Bayer" matçı "Allyans Arena"da keçiriləcək və Bakı vaxtilə saat 23:45-də başlayacaq.
