İngiltərə Premyer Liqası tarixinin ən yaxşı bombardirlərindən biri, "Lids", "Midlsbro" və "Nyukasl"da çıxış etmiş Avstraliya millisinin sabiq hücumçusu Mark Viduka Ukraynaya dəstək verib və anasının ukraynalı olduğunu bildirib.
Viduka Rusiya ilə münaqişədə Ukraynaya dəstək aksiyasında iştirak edib. Sport24.az xəbər verir ki, "Український футбол"saytına müsahibə verən Avstraliya əfsanə ukraynalı köklərindən danışıb:
"Atam xorvatdır, Zadar yaxınlığındakı Pridraqa adlı kiçik bir kənddən. Anam isə Slavonski Broddan olan ukraynalıdır. Hər ikisi 60-cı illərdə Avstraliyaya mühacirət edib və Melburnda tanış olublar. Atam inşaatçı, anam isə beş uşaq böyüdən evdar qadın idi".
Qeyd edək ki, 49 yaşlı veteran futbolçu ümumilikdə İngiltərə Premyer Liqasında 407 oyuna çıxıb və 202 qol vurub.
