"Qalatasaray"ın futbolçusu Barış Alper Yılmaz karyerasını İngiltərə Premyer Liqasında davam etdirməyə yaxındır. Sport24.az xəbər verir ki, "Aston Villa" yarımmüdafiəçinin transferində israrlıdır. Bu barədə "Sabah" nəşri məlumat yayıb.
Daha əvvəl 18 milyon avroluq təklifi rədd edilən Birmingem təmsilçisi yenidən "Qalatasaray"a müraciət edib. "Aston Villa" rəsmiləri 23 yaşlı oyunçu üçün "sarı-qırmızılar"ın tələb etdiyi 25 milyon avronu ödəməyə hazır olduqlarını bildiriblər.
Qeyd edək ki, "Qalatasaray" Barış Alper Yılmazı 2021-ci ilin yayında "Ankara Keçiörengücü"dən transfer edib. Türkiyə millisinin üzvü bu mövsüm İstanbul təmsilçisinin heyətində meydana çıxdığı 50 rəsmi matçda 6 qol və 9 məhsuldar ötürmə ilə yadda qalıb.
