"Arsenal"ın yarımmüdafiəçisi Kristian Nyorqor Premyer Liqada klubunu dəyişəcək. Sport24.az xəbər verir ki, bu barədə "The Athletic" nəşri məlumat yayıb.
"Everton" danimarklı futbolçunun keçidini həll edib. Mersisayd təmsilçisi 32 yaşlı dayaq yarımmüdafiəçisi üçün London klubuna 7 milyon funt-sterlinq təzminat ödəyəcək.
Qeyd edək ki, "Arsenal" Kristian Nyorqoru 2025-ci ilin yayında "Brentford"dan transfer edib. Təcrübəli oyunçu "topçular"ın heyətində meydana çıxdığı 20 rəsmi matçda 3 məhsuldar ötürmə ilə yadda qalıb.
