“Ottava Senators”un satışı ilə bağlı kampaniyanın ilk mərhələsi başa çatıb. Sport24.az xəbər verir ki, bu barədə MHL-in rəhbərinin köməkçisi Bill Deyli klubların baş menecerinin toplantısında məlumat verib.
O, Kanada təmsilçisinin səhmlərinə sahib çıxmaq üçün onlara müraciət olunduğunu təsdiqləyib. Təxminən iki həftə ərzində variantlar araşdırılacaq və sonradan yekun qərar qəbul olunacaq. İlkin mərhələdə klubun 800 milyon dollara satılacağı gözlənilir.
Xatırladaq ki, ötən il “Ottava”nın sahibi Yudjin Melnik vəfat etmişdi. O, 2003-cü ildə “Senators”u 92 milyon dollara almışdı.
