Kanoe üzrə Dünya kuboku start götürüb. Sport24.az xəbər verir ki, yarış Macarıstanın Seqed şəhərində keçirilir.
Azərbaycan turnirdə bir idmançı ilə təmsil olunub. Tatyana Smilovenko bu gün 500 m məsafədə mübarizəyə başlayıb. Təsnifat mərhələsinin 3-cü qrupunda yer alan kanoeçimiz finişə 2 dəqiqə 11,54 saniyəyə çatıb. 4-cü yeri tutan təmsilçimiz yarımfinala vəsiqə qazanıb. Bu mərhələ bu gün baş tutacaq.
Tatyana sabah daha bir məsafədə start xəttinə çıxacaq. O, 200 m məsafədə çıxış edəcək.
Qeyd edək ki, yarış mayın 18-dək davam edəcək.
