Azərbaycan yığmasının cüdoçusu Rəşad Yelkiyev Birləşmiş Ərəb Əmirliklərinin paytaxtı Əbu-Dabidə təşkil olunan "Böyük Dəbilqə" turnirində bürünc medala layiq görülüb. Sport24.az xəbər verir ki, 66 kq çəki dərəcəsində qüvvəsini sınayan təmsilçimiz həlledici bürünc medal qarşılaşmasında Özbəkistan idmançısı Dilşodbek Hamroyevlə üz-üzə gəlib.
Gərgin keçən mübarizədə rəqibini üstələyən Yelkiyev fəxri kürsünün üçüncü pilləsinə yüksəlməyə nail olub.
Bu nəticə ilə Azərbaycan milli komandasının Əbu-Dabidə qazandığı medalların ümumi sayı üçə çatıb.
Daha əvvəl Balabəy Ağayev (60 kq) və Könül Əliyeva (48 kq) bütün rəqiblərini üstələyərək qızıl medala sahib çıxmışdılar. Həmin çəkidə mübarizə aparan digər cüdoçumuz Ruslan Paşayev isə yarışları beşinci pillədə başa vurub.
