İdman Araşdırmalar Mərkəzinin və ETOPAZ-ın 10 illik yubileyi münasibətilə jurnalistlər arasında mini-futbol üzrə Zəfər Kubokunda bu gün keçiriləcək III turun matçları ilə qrup mərhələsinə yekun vurulacaq. Sport24.az xəbər verir ki, Bakı Olimpiya Stadionunun qapalı meydançasında 4 qarşılaşma oynanılacaq.
Məlumdu ki, yalnız qrup qalibləri mübarizəni davam etdirmək hüququ qazanır. Bəs, yarımfinala ən şanslılar hansı komandalardı?
A qrupunda "Xocavənd"ə qrupda hazırda olduğu 1-ci yeri tutmaq üçün 1 xal da yetərlidi. Özü də bunu hələ ki xalı olmayan "Füzuli" ilə görüşdə reallaşdırmaq lazımdı. "Füzuli" qalib gələrsə isə 3 komanda arasında şəxsi oyunlara baxılacaq. Burda "Xocavənd"in böyük üstünlüyü var. "Füzuli" qrup qalibi olmaq üçün 5 top fərqilə qalib gəlməlidi.
B qrupunda "Şuşa" artıq mübarizəni dayandırıbsa, onu məğlub edənlərin son turdakı görüşü 1-ci yerin sahibini müəyyənləşdirəcək. Daha şanslı olan "Suqovuşan"a heç-heçə də yetərlidi.
C qrupunda xalı olmayan "Laçın" hazırda 1-ci yerdə olan "Qubadlı"ya qalib gələrsə, hər 3 komanda arasında şəxsi oyunların nəticələrinə baxılacaq. Göründüyü kimi, burda da hazırda qrupa başçılıq edənə 1 xal da bəsdi.
Nəhayət, D qrupu haqda. Burda vəziyət fərqlidi. O mənada ki, hazırda qrup 1-cisi olan "Ağdam"ın matçları bitib və son turdakı nəticəni gözləyir. Ağdamlıların heç-heçə qaldığı "Xankəndi" xalsız "Zəngilan"ı məğlub edərsə, ona çatacaq. Sadəcə, bunu ən azı 10 top fərqiylə etmək lazımdı. Çünki "Ağdam" "Zəngilan"ı 10 cavabsız qolla məğlub edib.
Zəfər Kuboku
22 may
A qrupu
"Füzuli" - "Xocavənd"
8 may
"Füzuli" - "Cəbrayıl" - 2:4
15 may
"Xocavənd" - "Cəbrayıl" - 6:0
Xocavənd 1 1 0 0 6-0 3
Cəbrayıl 2 1 0 1 4-8 3
Füzuli 1 0 0 1 2-4 0
B qrupu
"Suqovuşan" - "Xocalı"
8 may
"Suqovuşan" - "Şuşa" - 9:1
15 may
"Xocalı" - "Şuşa" - 7:1
Suqovuşan 1 1 0 0 9-1 3
Xocalı 1 1 0 0 7-1 3
Şuşa 2 0 0 2 2-16 0
C qrupu
"Laçın" - "Qubadlı"
8 may
"Laçın" - "Kəlbəcər" - 0:2
15 may
"Qubadlı" - "Kəlbəcər" - 4:0
Qubadlı 1 1 0 0 4-0 3
Kəlbəcər 2 1 0 1 2-4 3
Laçın 1 0 0 1 0-2 0
D qrupu
"Zəngilan" - "Xankəndi"
4 may
"Zəngilan" - "Ağdam" - 0:10
15 may
"Xankəndi" - "Ağdam" - 2:2
Ağdam 2 1 1 0 12-2 4
Xankəndi 1 0 1 0 2-2 1
Zəngilan 1 0 0 1 0-10 0
Bombardirlər: Nurşən Quliyev ("Suqovuşan") - 6, Xanoğlan İmanov ("Ağdam") - 4, Ümid Süleymanov ("Xocavənd"), Sərxan İbrahimoğlu ("Xocavənd"), Seymur Baxşıyev ("Xocalı"), Mirbağırağa Cəfəri ("Ağdam"), Əli Raufoğlu ("Cəbrayıl"), Şəfail Baxşıyev ("Ağdam") - hamısı 3, Murad Əliyev ("Füzuli"), Elcan Məmmədli ("Qubadlı"), Vəfadar Əliyev ("Xocalı") - hamısı 2 qol.
Qeyd edək ki, Zəfər Kuboku Azərbaycanın ilk onlayn qanuni mərc saytı ETOPAZ-ın baş sponsorluğu, "Kəhriz su"nun və “Traumotology Orthopedic Center”in (TOC) tərəfdaşlığı, "Report" agentliyinin informasiya dəstəyi ilə gerçəkləşir.
