21 yaşadək futbolçulardan ibarət Azərbaycan millisi təlim-məşq toplanışı çərçivəsində bu gün növbəti yoxlama görüşünü keçirəcək. Sport24.az xəbər verir ki, Ayxan Abbasovun baş məşqçisi olduğu kollektiv Sumqayıtda Monteneqrodan olan həmyaşıdları ilə üz-üzə gələcək.
Mehdi Hüseynzadə adına stadionda keçiriləcək oyunun start fiti saat 20:00-da səslənəcək.
Qeyd edək ki, U-21 iyunun 4-də səfərdə Belarusla qarşılaşıb. Matç meydan sahiblərinin 3:1 hesablı qələbəsi ilə yekunlaşıb.
