"Qəbələ" Premyer Liqada cari mövsümdə evdə ilk böyükhesablı məğlubiyyətini alıb. Sport24.az xəbər verir ki, "qırmızı-qaralar" 2 ildir çempionatda öz meydanında darmadağın olunmurdu.
Bunu son turda "Sabah" 3:0 hesablı qələbə qazanmaqla reallaşdırıb. Bu komandaların 2018/19 mövsümündən başlayan Premyer Liqa mübarizəsində Masazır təmsilçisi 2 dəfə böyükhesablı qələbə qazanmışdı ki, bu, evdə, məhz 3:0 hesabıyla reallaşmışdı. Yəni, qəbələlilər "Sabah"ı çempionatda arxada qalan 18 matçda hələ ki darmadağın edə bilməyib.
"Qəbələ"nin bunadək Qəbələdə son böyükhesablı məğlubiyəti isə 2020/21 mövsümündə olmuşdu. Onda - XIV turda 2021-ci ilin aprelin 24-də "Qarabağ" Elmar Baxşıyevin komandasını daha böyük hesabla yenmişdi - 5:0. "Qəbələ" 648 gündən sonra yenidən doğma meydanda darmadağın olundu.
MEHMAN SÜLEYMANOV
