"Yeni mövsümə hazırlığı davam etdiririk. Düşərgədə baxışdan keçən oyunçular var. Özünü yaxşı tərəfdən göstərənlərlə müqavilə bağlayacağıq". Bu sözləri Sport24.az-a açıqlamasında "Qaradağ Lökbatan"ın baş məşqçisi Azər Həşimov deyib.
Gənc mütəxəssis toplanış dönəmində bir neçə yoxlama görüşü keçirəcəklərini də vurğulayıb: "Bu günə kimi 2 yoxlama oyunu keçirmişik ki, "Şəfa"nı 2:0, "Difai Ağsu"nu isə 2:1 hesabı ilə məğlub etmişik. üstün Hər iki qarşılaşmadan qalib ayrılsaq da, oyun planında çatışmazlıqlarımız var. Daha iki yoxlama oyunu keçirəcəyik. Belə ki, Avqustun 16-da "Baku Sportinq", 21-də isə "Cəbarayıl" ilə görüşəcəyik".
Qeyd edək ki, mövsümlərarası fasilədə Azər Həşimov qəsəbə təmsilçisi ilə müqaviləsinin müddətini daha bir il üçün uzadıb.
ABDULLA İSMAYILOĞLU
