"Qarabağ" UEFA Çempionlar Liqası Liqa mərhələsinin 6-cı turu çərçivəsində Bakıda "Ayaks"ı qəbul edəcək. Sport24.az Ağdam klubunun mətbuat xidmətinə istinadən xəbər verir ki, qarşılaşma üçün artıq 27650 bilet satılıb.
"Qarabağ" – "Ayaks" oyunu dekabrın 10-da saat 21:45-də Tofiq Bəhramov adına Respublika stadionunda baş tutacaq.
Standart biletlərin qiyməti:
10, 15, 25, 35, 40, 50, 75 AZN
VIP sektorlar: 200, 250, 300 və 400 AZN
VVIP sektorlar: 1000 AZN
Diqqət: Biletlər yalnız iTicket.az-ın mobil tətbiqi və saytı üzərindən əldə edilə bilər.
Onlayn bilet alışı ilə bağlı çətinlik yarandıqda azarkeşlər iTicket.az-ın satış məntəqələrinə, Park Bulvardakı "Qarabağ"ın Fan-Şopuna və Tofiq Bəhramov adına Respublika stadionunun kassalarına müraciət edə bilər.
