“Böyük Dəbilqə” seriyalı turnirlərin 18 qat qalibi olan Martina Navratilova xərçəng xəstəliyinə qalib gəlib. Sport24.az xəbər verir ki, bu barədə əfsanəvi amerikalı tennisçinin özü məlumat verib: “Həkimlər artıq xərçəng xəstəliyindən əziyyət çəkmədiyimi bildirdilər. Doğrusu, mən 3 gün təşviş içində olmuşam. Elə bildim ki, gələn Milad bayramını görməyəcəm. Ölməmişdən qabaq görməli olduğum işlərin siyahısını hazırlamışdım. Bəlkə də bu sözlərim sizə qəribə görünə bilər, amma fikirləşirdim ki, bu qısa müddətdə hansı gözəl maşına minib gəzim ki, bu arzumu da həyata keçirim?! Çox çətin dövrü arxada qoydum”.

Xatırladaq ki, Navratilova 2010-cu ildə də xərçəng xəstəliyindən müalicə olunmuşdu.