"Sabah" iyunun 27-də bir araya gələrək yeni mövsümə hazırlığa başlayıb. Rusiyalı Murad Musayevin baş məşqçi postuna gəlişindən sonra autsayderlər sırasından çıxaraq avrokuboklara namizəd etdiyi, tarixində ilk dəfə düşmək avrokuboklara şansını son anda əldən buraxan Masazır təmsilçisindən növbəti mövsümdən gözləntilər çoxdu. Bütün bunlarla bağlı söhbətləşmək üçün komandanın ev oyunlarını keçirdiyi "Bank Respublika Arena"ya yollanaraq 39 yaşlı mütəxəssislə görüşdük.
"Çoxdandı xatırlamıram ki, məndə belə böyük məzuniyyət oldu"
- Söhbətimizdə ondan baaşlayaq ki, istirahəti necə keçirə bildiniz və hansı motivasiya ilə düşərgəyə döndünüz?
- Çoxdandı xatırlamıram ki, məndə belə böyük məzuniyyət oldu. Moskvada PRO kateqoriyası ilə bağlı kurslarda iştirak edə bildim. Bu, son mərhələyə doğru gedir. Sonra ailəmlə birgə xaricə dincəlməyə yollandım - dəniz qırağında, dağda oldum, çoxlu iş gördüm. Və bura tam istirahət etmiş, tam gücümlə gəldim. Artıq iş üçün darıxmışdım və tezliklə buna başlamaq istəyirdim.
- Maraqlı məqam toxundunuz ki, çoxdandı bu qədər dincəlməmişdiniz. Çünki Rusiyada "Krasnodar"da bu vaxtlar daha çox başınız işə, avrokuboklara qarışıq olub...
- Yox, sadəcə, Rusiya çempionatı tez başlayırdı. Bəli, 3 il avrokuboklarda çıxış elədik. Amma bu, mərhələdi ki, avqusta-sentyabrda yaxın idi. Yəni ya, pley-off mərhələsində oynayırdıq, ya da qrupda. Biz isə yalnız Rusiya çempionata hazırlaşırdıq. İndi yeni mövsüm orda bu ayın ortasında başlayacaq. Fərq bunda idi.
- İstirahət müddətində keçən mövsümü özünüz üçün təhlil etməyə də vaxt tapmamış olmazsınız. Hansı nəticələri çıxardınız Azərbaycanda debüt mövsümünüzdən?
- Əlbəttə, Azərbaycan çempionatını, öz komandamızı yaxşı öyrəndim bu müddətdə. Hansı mövqeləri gücləndirməyin lazım olması dəqiq anlaşılan oldu. Bilindi ki, məşq prosesində hansı istiqamətdə hərəkət eləmək lazımdı. Bəli, belə demək olar ki, yaxşı analiz etdim. Fikrimcə, indi hazırlığa başlamaq yetərincə asan olacaq, nəinki yeni gəldiyimdə.
"Gəncəyə, Tovuza səfərlər çətin olacaq, amma..."
- Sizcə, Azərbaycan Premyer Liqasının əsas spesifikası nədi? Ən çox nəyə diqqət yetirməlisən ki, nəticəyə nail olasan?
- Yeni gəldiyim vaxtı götürsək, "Sabah"la hamı açıq futbol oynayırdı. Demək olar çox zona vardı, hücumlar davamlı idi. Yeni ildən sonra isə əksinə, çox komanda bizimlə müdafiədən oynamağa başladı, boşluqları bağladı, orsa sahədə sıxlıq yaradırdı. Bu zaman da taktikamızı dəyişməyə məcburq olurduq ki, digər boş zonaları tapaq. Demək olar ki, çox vaxtı mövqe hücumunda keçirirdik. Yeganı istisna "Qarabağ"la matçlar idi ki, onda onlar topa daha çox sahib olurdu, nəinki biz. Spesifika odur ki, az komandadı, hamı bir-birini çox yaxşı tanıyır. Bir komandayla 4 dəfə qarşılaşırsan, Kubokda da düşəndə 6 dəfə. Artıq nəyisə gizlətmək çətin olur, çünki hamı bir-birinə çox yaxşı bələddi. Üstəlik, praktiki olaraq uzaq səfərlər yoxdu. Amma indi vəziyyət dəyişəcək - o planda ki əyalətdən 2 komanda əlavə olunub.
- Həmin Gəncəyə Tovuzun Azərbaycan milli çempionatında, ümumiyyətlə, Azərbaycan futbolunda özünəməxsus çəkiləri var. Yəqin, ora səfərlər sizin də üçün maraqlı olacaq...
- Bəli, çox komanda olanda yaxşıdı. Bunlar çətin səfərlər olur. Regionda oynamaq həmişə ağırdı.
- Üstəlik, yol da vaxt aparacaq - Bakıdan Gəncəyə 350 kilometr, Tovuza da bundan 100 kilometr çox...
- Elədi, başa düşürəm reallığı. Artıq öyrənmişəm hər şeyi. Əlbəttə, bu, yolçuluq çətin olacaq. Dediyim kimi, regiona səfərlər, orda komandalarla oynamaq daim çətin olur - dolu stadion, meydan sahibinə güclü azarkeş dəstəyi. Amma istənilən halda bu, yaxşıdı. Hesab edirəm ki, komanda sayının artırılması hamımızın xeyrinə, çox matç olacaq. Düşünürəm ki, yaxşı dəyişikliklər oldu. Baxmayaraq ki, logistika cəhətdən çətin olacaq. Amma futbol regionlarda, komanda sayı çox olanda hamı inkişaf edəcək.
"Limitin "7+4" olması yetərincə komfortludu, əvəzetmənin 5-ə artırılması da yaxşıdı"
- Dəyişiklərə toxunduqsa, gəlin, bir-bir onlar haqda fikirləriniz bildirərdiniz. Bunlar "Sabah"n strategiyasına nə dərəcədə uyğun gəlir?
- Əvvəl də demişəm ki, ümumiyyətlə, legioner limitinin əleyhinəyəm. O format da kimi qəbul ediblər - "7+4" fikrimcə, yetərincə, komfortludu. Bu limitdə də yerli futbolçular inkişaf edəcək. Əvəzetmənin sayının 5-ə yüksəlməsinə gəlincə, burda vəziyyət belədi - kimin çox dəyişiklik imkanı varsa, onlar 5-ə razıdı, əksinə olanlar 3-ə. Baxsaq İngiltərədə, həmişə mübahisələr olur. Şərti olaraq "Börnli" 3 əvəzetmə olmasını istəyir, "Mançester Siti" 5. Hesab edirəm ki, 5 əvəzetmə yaxşıdı. Bəzən matçlar belə alınır ki, ehtiyat skamyanda daha 2 gənc futbolçu oturub və istəyirsən onları meydana buraxasan. Amma dəyişiklik limitin qalmayıb. Fikrimcə, prartika bütün Avropada onu göstərdi ki, indi hamı 5 əvəzləməylə oynayır. Hesab edirəm ki, bu da yaxşı yenilikdi və 5 əvəzləmə daha çox xoşuma gəlir, nəinki 3 dəyişiklik.
- Bəs, 21 yaş limitinin aradan götürülməsi gənc futbolçuların inkişafının qarşısına ala bilər? O mənada ki, daha baş məşqçilər bu limitdəkiləri oynatmaq məcburiyyətində olmadığına görə onları arxa plana keçirəcəklər...
- Yox, düşünmürəm ki, bu dəyişiklik onların hansısa mənada inkişafına təsirini göstərəcək. Onlar özlərini göstərməlidi. Heç kim, elə biz də pasporta baxmırıq ki, bu və digər futbolçunun neçə yaşı var. Məşq prosesindəki keyfiyyətlərinə baxırıq. Bu, komandanın oyununa uyğun gəlirsə, çıxış edir. Bu, təmiz rəqabətdi. Bundan qalib gəlsələr, oynayacaqlar. Etiraf eləmək lazımdı ki, 21-22 yaş elə də gənc futbolçu deyil. Gənc 17 yaşdı ki, futbola başlayırsan. 21-22 yaş olanda sən gəncsən, eyni zamanda yetkin adamsan. Daha böyük yaşlıların təcrübədən başqa üstünlüyü olmur.
- Sizcə, "Sabah"ın avrokuboklara olması sizə yaxşıdımı ki, mövsümə daha yaxşı, rahat hazırlaşasınız, yoxsa əksi daha yaxşı idi?
- Əlbəttə, avrokuboklarda oynamağımız daha yaxşı idi. Ora düşmək istəyirdik, real şansımız da vardı. Avrokuboklardan kənarda qalmağımızın heç bir müsbət cəhətini görmürəm. Sadəcə, istirahətdən 2 həftə əvvəl gələcəkdik. Avropada çıxış etməyimizə yalnız şad olardım.
- Çoxmu heyfsilənirsiniz ki, sonda büdrədiniz, şansı əldən qaçırdınız?
- Bunu artıq unutmuşuq, yeni çempionata hazırlaşırıq.
"Axı, "Qarabağ" neçə ildi avrokuboklarda çıxış edir, "Sabah"ın isə cəmi 5 yaşı var"
- Eləsə bundan danışaq - mətbuatda, futbol ictimaiyyətində artıq indidən belə fikir formalaşıb ki, "Sabah" yeni mövsümdə nəinki medallara, avroboklara ən real namizəd olacaq, hətta "Qarabağ"a "əlcək ataraq" çempionluq mübarizəsi aparacaq. Bu da əbəs yerə deyilməyib - yeni transferlər, maddi imkanlar, baş məşqçi, artıq çempionatımızı tanıyan Murad Musayev amili. Komandanızda belə yüksəliş gözləmək olar?
- İstərdim ki, büün bunlar sakit şəraitdə keçsin - artıq sözsüz və gözləntisiz. Bəli, bir sıra transferlər elədik, komanda dəyişir, bundan sonra da belə olacaq. Bundan nə çıxacaq - bunu yalnız çempionat göstərəcək, Çox ciddi, təcrübəli rəqiblərimiz var. Səviyyəcə bir-birinə çox yaxın komandalar xeylidi. Buna görə çətin olacaq. Bizim vəzifə işimizi yaxşı görmək, məqş etmək, güclü komanda olmaqdı. Artıq sözsüz, gurultusuz fikirlərsiz, sadəcə, işimizi görərək məqsədə doğru getmək.
- Yəni, "Qarabağ"ıa çempionluq mübarizəsi üçün hələ zaman lazımdı "Sabah"a...
- Bütün jurnalistlər məndən bu sözü qoparmaq istəyir ki, nə vaxt "Qarabağ"a gücünüzü göstərəcəksiniz. Axı, bilirəm ki, necədi bu iş, bir şeyi deyirsən və sonra sənə bunu daim xatırladırlar ki, bəs onu, bunu demişdim. Gurultulu sözlər demək istəmirəm. "Qarabağ" neçə ildi avrokuboklarda çıxış edir - 9-cu mövsümdü, 8 ildi qrupda oynayır. "Sabah"ın isə cəmi 5 yaşı var, yeni komandadı. Hansısa addımlar atılır, klub yeni ayaq üstə dayanmağa başaylır. Hardasa səhvlər var, artıq başa düşürük ki, nəyi düz eləməmişik. Hər şey edəcəyik ki, "Sabah" inkişaf etsin. Klub rəhbərliyi də bunun üçün hər şeyi edir dediyiniz kimi - yeni transferlər, məişət məsələləri. Hesab edirəm ki, komandada olan futbolçulara münasibətdə hər şey ən yüksək səviyyədədi. Böyük iş görülür, amma hər şeyi addım-addım etməliyik. Sadəcə, ətrafın diqqətini sözlə cəlb etmək istəmirsən. Niyə bura gəlmişəm? Fikirləşirsiniz ki, məqsədim yalnız pul qazanmaqdı? Yox, axı bunun üçün bura gəlməmişəm. Bura ona görə gəlmişəm ki, yaxşı futbol oynayaq, qələbələr qazanaq, qarşımıza ən yüksək məqsədlər qoyaq. Bunu da edəcəyik. Sadəcə, gurultulu sözlər demək istəmirsən. İnanın ki, Azərbaycanda hər bir komandayla rəqabət aparmaq üçün hər şey edəcəyik. Amma əvvəlcə meydanda böyük iş görməliyik - bax, oturduğumuz bu zalda nəzəri məşğələlərdə, təşkilatı məsələlərdə. Bütün bunlarla məşğul olacağıq və oluruq.
- Şablon səslənsə də, məqsəd medal, avrokuboklara vəsiqə qazanmaq olacaq?
- Bu barədə ətraflı müzakirə olmayıb. Amma fikrimcə, bəli, dediyiniz nəticələr - buna can atacağıq.
"Volkov bizə mərkəz hücumçusu kimi, Ələsgərov cinahda lazımdı, Nuriyevlə bağlı isə..."
- Gəlin, yeni transferlərinizi bir-bir incələyək...
- Davit Volkov klassik mərkəz hücumçusudu. Hansı ki cərimə meydanında yaxşı hərəkət edir, yaxşı açılır və həmişə qapıya doğru istiqamətlənib. Görmüşük ki, çempionatın ən yaxşı bombardirlərindən biri olub, təcrübəli oğlandı. Bəli, Azərbaycana çoxdan oynadığına görə spesifikanı bilir. Namiq Ələsgərov bir neçə mövqedə - hücumun hər bir yerində çıxış edir. O da sürətli hücumlar zamanı yaxşı hərəkət edir, boş zona və vəziyyəti həll edə bilir. Fərdi keyfiyyətləri sayəsində qol vurmağı bacarır. Anatoli Nuriyev iş həcmində yaxşıdı, futbol planında inadkar, zalım, aqressivdi. Özü də bununla yanaşı, standart omayan qərarlar qəbul edə və kəskin oynaya bilər. Tellur Mütəllimov hücumlarda aktivdi. Bunu "Sumqayıt"da çıxışı zamanı görmüşük. Hücum etməyi sevir, çox hücum edir. Amma bir sıra məqamlar var ki, müdafiədə oyununu yaxşılaşdırmalıyıq. Üstəlik, Tellur hər iki cinahda oynayır. Bu, bizim üçün vacib faktordu ki, həm solu, həm də sağı bağlaya bilər.
- Belə başa düşdüm ki, Volkov sizə mərkəz hücumçusu, Ələsgərov isə vinger kimi lazımdı. Hərçənd, onlar əksinə də oynaya bilərlər...
- Bugünkü anda bəli, həmin mövqelərdə. Volkovu daha çox mərkəz hücumçusu kimi görmüşük. Çünki əvvəlki hücumçularımızın xarakteristikasını götürsək, Davitin yaxşı xüsusiyyəti müdafiəçinin arxasına açılmaqdı. Bu, gördüyümüz oyun modeli üçün çox vacibdi. Namiqi isə bir az daha çox tanımağımız lazımdı. Amma hələ ki daha çox cinahda oynamasına üstünlük verəcəyik.
- Bəs, Nuriyev sırf mərkəz yarımmüdafiəçisi?
- Burda da baxmaq lazımdı. O, "8 nömrə" də, "10 nömrə" də oynaya bilər, eyni zamanda hər iki cinahda da. Anatolini hər yerdə yoxlayırıq. Onunla bağlı mövqeyi bir az sonra görəcəyik.
- Hücum xəttinizdə yeni simaların olduğunu nəzərə alsaq, eni mövsümdə taktikanız dəyişə bilər?
- Ola bilsin. Mövsümün gedişində gördünüz ki, taktikanı dəyişdik. Əvvəl klassik 4-3-3 oynayırdıqsa, sonra hücumda 3-2-5 oynadıq. Azca dəyişiklik mümkündü, amma sxem elə də vacib deyil. İstənilən halda, topa nəzarətə, kəskin futbola can atacağıq, risk edərək hücuma böyük qrup futbolçu göndərəcəyik. Yəni, sxem bir az dəyişə bilər, amma işlə başladığım ilk gündən gördüyümüz istiqamət dəyişmir. Buna görə taktiki sxemin özünə bağlanmaq lazım deyil. Oyun planında kardinal şəkildə dəyişməyəcəyik. Yəqin, hazırda pressinq üzrə Azərbaycan çempionatnda liderlərdən biriyik. Bunu davam etmək istəyirik, bu yöndə yenə işləyəcəyik. Sxem isə matçdan-matça bir az dəyişə bilər - bu, problem deyil.
"Qapıya transfer etməyəcəyik, qoy, aydınlaşdırsınlar ki..."
- Qapı mövqeyinə də toxunaq...
- Onu vurğulayardım ki, Nicat Mehbalıyev qayıdıb icarədən. O, "Qəbələ"də yaxşı mövsüm keçirdi. Yusif İmanov da bizdə sonluğu yaxşı keçirdi, soyuqqanlı çıxış elədi. Üstəlik, digər qapıçılarımız da var ki, onlara rəqabət yarada bilərlər. Bu, yaxşıdı. Fikrimcə, bu rəqabətin bizə faydası dəyəcək. Qoy, aydınlaşdırsınlar ki, kim aralarında ən güclüdü. O yaxşıdı ki, arxayınlaşmaq olmaz, daim işləyib özünü sübut etmək lazımdı.
- Belə demək olarmı ki. qapıya yeni transfer nəzərdə tutulmayıb?
- Bəli, əlimizdə qapıçılar var yetərincə.
"Səlahət sözünün üstündə durdu"
- Bir şey də var ki, Səlahət Ağayev kimi təcrübəli, aşkar "1 nömrə"niz yoxdu...
- Elədi.
- Bu, yaxşıdı, yoxsa..?
- Bilmirəm, bunu yalnız çempionat göstərəcək, baxarıq gedişata. Həmişə risk var qapıçılar gənc olanda. Çətindi demək necə olacaq. Risk var, amma onlara inanırıq, özü də hamsına. Bizdə belaruslu Aleksandr Neçayev də var və o da rəqabət aparmalıdı. Hər şey onların öz əlindədi.
- Açıq deyərdiniz, kapitanınız da olan Səlahəti saxlamaq istəyirdiniz?
- Onu deyərə bilərəm ki, Səlahətə uğurlar arzu edirəm. "Qəbələ"də avrokuboklarda çıxış edəcək. Mövsümün son dövrəsində seçimimizi digər qapıçının xeyrinə edəndə, Ağayev kapitan olaraq buna layiqli, kişi kimi reaksiya verdi. Yusifə kömək edirdi, kapitana aid olan bütün funksiyaları yerinə yetirirdi. Hələ yeni gəldiyimdə Ağayevlə söhbətləşəndə, mənə dedi ki, problem yoxdu, hər bir rolda faydalı olacam. Səlahət sözünün üstündə durdu, sonadək ondan dəstək gördük. Çox söhbətləşirdik Ağayevlə. Onunla birgə işibirliyinə görə yalnız şadam və yeni klubunda uğurlar arzulayıram.
(davamı olacaq)
MEHMAN SÜLEYMANOV
