Fil Dişi Sahilindən olan yarımmüdafiəçi Pyer Zebli "Zirə"dən ayrıldıqdan sonra yeni klub tapmaqda çətinlik çəkir. Sport24.az-ın əldə etdiyi məlumata görə, 28 yaşlı futbolçu artıq altı aydan çoxdur ki, komandasızdır və Azərbaycan klublarına da təklif olunub.
Lakin buna baxmayaraq, afrikalı oyunçu rədd cavabı alıb.
2012–2014-cü illərdə İtaliyanın "İnter" klubunun aşağı yaş qruplarında çıxış edən Zebli, 2014–2015 mövsümündə isə "Milan"ın əsas heyəti ilə məşqlərə qatılıb. Hazırda o, məşqlərini ölkəsində davam etdirir.
