"Sabah" çempionatda oyun keyfiyyətini nümayiş etdiir, yüksək surət rəqiblər üçün çətinlik yaradır. Ön xətdə olan futbolçular dinamikanı 90 dəqiqə saxlamağı bacardılar". Bu sözləri Sport24.az-a açıqlamasında "Səbail"in sabiq baş məşqçisi Aftandil Hacıyev deyib.
Təcrübəli mütəxəssis Misli Premyer Liqasının XXVII turunda keçirilmiş "Zirə" - "Sabah" oyununda qonaqların qələbəsini layiqli sayır: "Oyunu iki hissəyə bölsək, ilk yarı bərabər səviyyədə keçdi. Amma fasilədən sonra "Sabah" istədiyi qolları vurdu. Burada daha çox fərdi ustalığı yüksək olan futbolçular ön plana çıxır, keyfiyyət öz sözünü deyir. "Sabah"la müqayisədə "Zirə"də qeyri-stabillik müşahidə edilir. Bəzi oyunlarda hissələrlə, bəzi oyunlarda isə tam yaxşı çıxış edirlər və ya eniş yaşanır. Bu iki komandanın fərqi turnir cədvəlində də hiss edilir. "Zirə" artıq dördüncü pillə uğrunda mübarizəni "Qəbələ" ilə sona qədər aparacaq".
Qeyd edək ki, "Zirə" - "Sabah" görüşü 2:0 hesabı ilə yekunlaşıb.
KAMAL RZA
