"Əl-Nəsr" klubunun baş məşqçisi Jorje Jesus futbolçusu Kriştiano Ronaldonun zədəsi barədə danışıb. Sport24.az xəbər verir ki, o, 41 yaşlı hücumçunun durumunun qeyri-müəyyən olduğunu bildirib:
"Ronaldo əzələsində ağrı hiss etdi. Risk etməmək üçün onu əvəzləmək qərarı verildi. Həkimlərimiz zədənin nə dərəcədə ciddi olduğunu qiymətləndirəcəklər".
Qeyd edək ki, Ronaldo "Əl-Fəyha" ilə matç zamanı (3:1) zədələnib.
Həmin oyunda Kriştiano penalti zərbəsini qola çevirə bilməyib. Cari mövsümdə portuqaliyalı hücumçu Səudiyyə klubunun heyətində 26 matç keçirib, 22 qol vurub və 4 məhsuldar ötürmə edib.
