"Atletiko"nun baş məşqçisi Dieqo Simeone La Liqada "Barselona"ya qalib gəldikləri görüşü şərh edib. Sport24.az xəbər verir ki, mütəxəssis 2:1 hesabıyla bitən matçla bağlı bunları deyib:
"Futbolçularım hər mübarizəyə hazırdırlar. Gücümüz bir olmağımızdır. Komandamız oyunu ilə bunu sübut edir. Oyuna sonradan daxil olanlar da təsirlərini göstərirlər. Məşqçilərin də istədiyi budur. Hər kəs eyni mübarizədə yer alır.
"Barselona" geridə qalan uduzduğu matçlarda məğlubiyyətə layiq deyildi. "Las Palmas" və "Leqanes"lə görüşlərdə çoxlu şansları olsa da, dəyərləndirə bilməmişdilər. Futboldur, top qapıya getməyəndə problemlər başlayır".
"Atletiko" La Liqada 41 xalla liderdir. "Barselona" isə 38 xalla ikinci pillədə qərarlaşıb.
