"Real"ın oyunçusu Rodriqo diz zədəsindən sonra bərpa prosesini davam etdirir. Sport24.az xəbər verir ki, braziliyalı vinger 2027-ci ilin əvvəlinə qədər rəsmi matçlara çıxmayacaq. Bu barədə "AS" məlumat yayıb.
Rodriqo 2026-cı ilin martında La Liqa çərçivəsində "Xetafe"yə qarşı keçirilən matçda ön çarpaz bağların qırılması və xarici menisk zədəsi alıb. Bu zədə səbəbindən braziliyalı futbolçu mövsümü vaxtından əvvəl başa vurub və dünya çempionatında iştirak edə bilməyib.
Uğurlu əməliyyatdan sonra "Real"ın tibbi heyəti oyunçu üçün 10-12 aylıq bərpa müddəti müəyyən edib. Beləliklə, Rodriqo Joze Mourinyonun rəhbərliyi altında 2026/27 mövsümünün ilk yarısını tamamilə buraxacaq.
Braziliya millisinin üzvünün 2027-ci ilin əvvəlində komanda ilə məşqlərə qayıdacağı gözlənilir. O, hazırda klubun bazasında tibbi heyətin nəzarəti altında reabilitasiya keçir.
