Türkiyə çempionu olan "Qalatasaray"da ilk ayrılıq gerçəkləşib. Sport24.az xəbər verir ki, Noa Lanq İstanbul təmsilçisini tərk edib.
Bu barədə niderlanlı futbolçu sosial şəbəkə hesabında paylaşım edib.
26 yaşlı vingerin Türkiyə klubu ilə icarə müqaviləsinin müddəti başa çatıb.
Qeyd edək ki, "Qalatasaray" Noa Lanqı bu ilin yanvarında "Napoli"dən icarəyə götürmüşdü. Niderland millisinin üzvü "sarı-qırmızılar"ın heyətində meydana çıxdığı 19 rəsmi matçda 2 qol və 3 məhsuldar ötürmə ilə yadda qalıb.
