Fransa millisinin hücumçusu Kilian Mbappe "Real"ın bəzi oyunçularının komandanın baş məşqçisi Xabi Alonsodan narazı olduqları barədə yayılan xəbərlərə münasibət bildirib. Sport24.az xəbər verir ki, ulduz futbolçu bununla bağlı COPE-yə açıqlama verib:
"Real" qalib gəlməyəndə insanlar çox şey deyirlər. Son iki matçda zəif oynadıq və bunu bilirik. Amma fasilədən sonra "Elçe" ilə oyundan qələbə ilə ayrılacağımızı düşünürəm. Bizim məqsədimiz var: Bu mövsüm bütün titulları qazanmaq".
Qeyd edək ki, 12 oyundan sonra aktivində 31 xal olan Madrid klubu turnir cədvəlində ilk pillədə qərarlaşıb. "Barseona" isə 3 xal az toplamaqla ikinci yerdədir.
